Movie Review : Aafno Manche Aafnai Hunchha

Tweet

ऋषि लामिछानेको निर्देशनमा तयार भएको चलचित्र 'आफ्नो मान्छे आफ्नै हुन्छ' को सार्वजनिक प्रदर्शन आज शुक्रबारदेखि प्रारम्भ हुँदैछ । काठमाडौंबाहिरका सिनेमाहलहरूमा प्रदर्शन हुन लागेको यो चलचित्रका प्रस्तुतकर्ता मुनाल घिमिरे हुन् । प्रकाश घिमिरे तथा लक्ष्मण पौडेलले निर्माण गरेको यो चलचित्रमा विराज भट्ट, रेखा थापा, मुकेश ढकाल, अरुणिमा लम्साल, दिनेश डीसी, रवि गिरी, देशभक्त खनाल, राजकुमार थापा, ईशान राउत -बालकलाकार) आदि कलाकारले मुख्य भूमिका निर्वाह गरेका छन् ।
चलचित्रमा मानिस-मानिसबीचको सम्बन्धलाई चित्रण गरिएको छ । आफ्नो मान्छे रगतको नाताले मात्र आफ्नो हुँदैन र मनले मात्र पनि आफ्नो हुन सक्दैन । संसारलाई आफ्नो सम्झेर हेरियो भने सबैतिर आफ्नाहरू मात्र फेला पर्छन्, तर पराई नजरले हेर्‍यो भने सबै पराई नै हुन्छन् । मनको नाता मनले चिन्छ, आफ्नो मान्छे आफ्नै हुन्छ- चलचित्रको मूल आशय यही हो । वसन्त श्रेष्ठको नृत्य निर्देशन रहेको यो चलचित्रमा महेश खड्काको संगीत छ । राजेशपायल राई, प्रमोद खरेल, अञ्जना गुरुङ, दुर्गा खरेल आदि गायक-गायिकाको स्वर समावेश गरिएको यो चलचित्रमा पाँचवटा गीत छन् । रोशन श्रेष्ठको द्वन्द्व, पुरुषोत्तम प्रधानको छायांकन रहेको यो चलचित्रका लेखक विकास आचार्य हुन् ।( source:- SAPTAHIK )