Pardesh Ko Jindagi - A Nepali Movie by Katari Nepali

Tweet

कतारमा बसोबास गर्ने नेपाली कलाकारहरूको एउटा समूहले निमौण गरेको प्रवासी नेपाली चलचित्र 'परदेशको जिन्दगी' यसै सातादेखि प्रदर्शन हुन थालेको छ । रेहान मियाँको लेखन तथा निर्देशनमा तयार पारिएको यो चलचित्रमा विनोद लामा, अमित बराइली, रामचन्द्र ढकाल, कोपिला राई, विन्दु विक, पार्वती लोहनी आदि कलाकारले मुख्य भूमिका निर्वाह गरेका छन्
। यो डिजिटल चलचित्रको निर्माण होमनाथ पौडेलले गरेका हुन् । हिमाल घलेद्वारा संगीतबद्ध यो चलचित्रका गीतहरूमा राजेशपायल राई, दीपक लिम्बू, आभा मुकारुङ, मिलन लामा, माण्डवी त्रिपाठी, सपनाश्री, नारायण लामा, पूजा लामा आदिले स्वर प्रदान गरेका छन् । मितेरी फिल्म्स प्रोडक्सनको ब्यानरमा तयार पारिएको यो चलचित्रका अधिकांश दृश्यको छायांकन कतारमै गरिएको हो । केही दृश्य चितवनमा पनि छायांकन गरिएको छ । चलचित्रमा परदेश जाने हरेक नेपालीले पैसा कमाउने मात्र उद्देश्य लिएको हुँदैन, जीवनमा पैसा बाहेक अरू कुराको पनि ठूलो महत्त्व हुन्छ भन्ने यथार्थ समेटिएको छ । त्यसो त चलचित्रमा स्वदेश तथा विदेशमा भैरहेका विकृति तथा विसंगतिहरूलाई पनि देखाइएको छ । चलचित्रको छायांकन सुरज गौतमले गरेका हुन् भने भीमसेन सुनार यो चलचित्रको मुख्य सहायक निर्देशक हुन् । 

source- Saptahik weekly